- ઇશ્વર પર અતૂટ શ્રદ્ધા રાખો, પ્રતિકૂળ સ્થિતિમાં માર્ગ મળશે : બાપુ
- પૂનમ સત્સંગ માટે ભકતોના આગ્રહને વશ થઈ બાપુ અમદાવાદમાં

ઇશ્વર ઉપર અતૂટ શ્રદ્ધા રાખવાથી ગમે તેવી પ્રતિકૂળ પરિસ્થિતિમાંથી પણ માર્ગ મળી રહે છે, એમ આસારામ બાપુએ પોતાના પૂનમ સત્સંગમાં આસારામ આશ્રમ-મોટેરા ખાતે જણાવ્યું હતું. ઉલ્લેખનીય છે કે મંગળવારે સાંજે આસારામ બાપુ પૂનમ દર્શન-સત્સંગ માટે અમદાવાદ આશ્રમ આવી પહોંચ્યા હતા. તેઓ ગુરુવાર બપોર સુધી અહીં રોકાણ કરશે. આસારામ બાપુએ જણાવ્યું કે ભકતની સામે સારી-નરસી જે કોઇ પણ પરિસ્થિતિ ઉભી થાય ત્યારે ભક્તિનો માર્ગ કયારેય છોડવો નહીં અને પ્રભુ પ્રત્યે અપાર નિષ્ઠા રાખવાથી દરેક કાર્યમાં સફળતા મળે છે. જયારે આસારામ આશ્રમ-મોટેરા દ્વારા જણાવાયું છે કે આસારામ બાપુના આગમનના સમાચાર મળતા બુધવારે ગુજરાતના વિવિધ શહેરો ઉપરાંત અન્ય રાજયોમાંથી પણ મોટી સંખ્યામાં ભકતો તેમના દર્શનાર્થે અમદાવાદ આવ્યા હતા. જયારે પૂનમ નિમિત્તે તેઓ ગુરુવારે સવારે પણ તેઓ સત્સંગ આપશે. જયારે ગુરુવારે પૂનમનો દર્શનનો કાર્યક્રમ ફરિદાબાદ-હરિયાણા ખાતે પૂર્વ આયોજિત હોવાથી બપોર બાદ આસારામ બાપુ ફરિદાબાદ પહોંચશે.

 http://www.divyabhaskar.co.in/2009/12/30/091230201906_c-69-634634.html