12345678910Last
Gita Jayanti Satsang - Bhopal - 20Dec2007
Rupesh Kumar Saigal
/ Categories: Spirituality, Events

Gita Jayanti Satsang - Bhopal - 20Dec2007

Bhopal  satsang_live 

******************** 

Sadgurudev Santshiromani Parampujya ShriAsaramBapuji ki Amrutwani :- 

******************** 

Narayan Hari Narayan Hari Pandalwale bahot log door door tak dhup mey baithe hai..ho sake to pandal ratoraat badha do….jo bhai mayiya dhup mey khade hai, krupa kar ke apane sir rumal se dhak le…nange sir dhup  se yadshakti kamjor hoti hai…  ankho ki netr-jyoti kshin hoti hai.. kaan bhi jaldi jabab de dete hai..isliye jo door door tak dhup mey khade hai…apne ko dhup ko bacha lo to mujhe bahot prasannata hogi….

 ..achha ye batao ki ye mere aane se nachana kudana phandana kiya aap logo ne kya ye sahi kiya ?ye kaun se baba ke chakkar mey aa gaye aap log?aise baba hote hai kya?jo aate hi nachane lag jaye….aate hi chupchap baithkar gambhirta se bhashan sunaate aise baba hote hai….  J  ….aap to nachane kudane lag gaye..katha mey bhi log bigadane lag gaye….budhi bujurg mayiya bhi nachane lag gayi….bhayi log aap batao….aap yaha moksh milane ka marg janane  ke liye, ishwar bhakti ko prapt karane ke liye aaye ho ya nachane kudane ke liye? Aajkal to waise bhi log clubo mey jate, rok aur pok music pe nachate aur apni jivani shakti ka rhas karate upar se nach nach kar khade khade cocacola ye wo pite to aise hote ki 40 saal ki umar mey bhi pindaliyo ko champi karane ke siwa so nahi pate….aise yaha bhi kudane phandane lag gaye satsang mey aakar to kahe ko? Galati kiya ki nahi?jisako aisa lagata hai galati kiya , hath upar karo….achha….jinako aisa lag raha hai galati kiya , aisa mahesoos ho raha hai ki galati kiya to aap log khade ho jao…  J  ….. achha . …bhagavan kare aap aisi galati roj karo…  J ..baitho lala-laiya…. 

Bhagavan krushn bansi bajakar nachate the..bangal mey gaurang hari hari bolakar pandal mey nachata…mewad ki rani mira pairo mey ghungharoo bandhakar nachati….vir arjun dholak bajakar nachata hai hari bhajan mey….. bhaagavat mey aata hai ki indr bhi satsang ke  purnahuti ke bela mey nachane lag gaye the…ye rok aur pok jaisa jeevani shakti ka rhas karane wala nach nahi hai , ye to jeevandata se milaane wala , bhagavan ki shakti aur ulhas bhar denewala nach hai..isape to hanumanji bhi nachane lag jate bhaiya… J …jay ram ji bolana padega…( Jay Ram ji ki J

..aisa santo ke sath bhagavan ki smruti mey nachana to..Bhagavan ka aanand, bhagavan ka ras, bhagavan ka prabhav, bhagavan ki prasannata pana hai…..rok aur pok karana to asuri ras paida karana hai….Aisa asuri ras paida ho, jalan  aur shok paida ho, to kya kare?Pareshani aati hai usako dekhanewala alag hai..pareshani aaati hai usake pahale aap the…pareshani gayi usake bad bhi aap the…to aap nitya hai…sada hai..to ye pareshaniya kya bigad degi tumhara?tumhare man mey badi khatpat ho rahi hai…  “khatpat” hai , use aap dekh rahe hai …man ko bhi dekh rahe  hai..use isprakar dekho jaise kisi paththar pe suraj ki dhup girati hai aur barsat ka pani bhi barsata hai aise apane mann ko dekho….aur socho ki, 

Pure hai wo mard jo har haal mey khush hai l

Jo phukr mey pure hai , wah har haal mey khush hai ll

Gar maal diya yaar ne to , maal mey khush hai l

Bejar jo kiya to usi ahawal mey khush hai…. ll 

Kabhi chana..kabhi khira..wah re mauj…. J  ….mauj se jiyo…kay ko tum itana chinta ka boja uthaye phirate ho?…chhodo na….thik hai..tum pey bojha hai….tumane bojha uthaya hai..lekin tum bojha to nahi ho?itana to socho ki maine bojh uthaya hai, mai khud bojh nahi hun….ek gyan ki dubaki lagaao.. ki tum to bhagavan ke amrutputr ho…. 

Dekha pane aap ko mera dil diwana ho gaya l

Naa chhedo mujhe yaro mai khud pe mastana ho gaya….ll 

Om namo bhagavate vasudevay….vasudevay ..priti devay…bhaktidevay…shanti devay….

“Hii”  (..Sadgurudev satsangiyo ko…)

J Madhury devay….om namo bhagavate vasudevay.. 

..Aaj makshda ekadashi hai..bhagavan ka ek naam madhav bhi hai…jo madhury deta hai…bhagavan ka madhur swaroop madhury deta hai..balak ki nirdosh hansi mey kaun madhury bharata hai? tumhara baap… J …jay ram ji   J  Bhagavan ke kayi naam hai ..keshav…madhav..narayan..hari…govind ..gopal…kayi naam..ek ek naam ka apana apana mahima hai..prabhav hai…   “ram” naam ka uchcharan karate to muladhar kendr aur manipur kendr peprabhav padata hai… “omkar” ka uchcharan jaldi jaldi karate to papnashini urja paida hoti hai..omkar ka dirgh uchcharan karate to saphaly dayini shakti milati hai..aur omkar ke plut uchcharan  karate to “o” aur “m” ke uchcharan ke bich jitana samay lagata hai usame aap bhagavan mey vishranti pate hai…

mantr vigyan ka bada prabhav hai…abhi mai ek mantr japu to aap ko jamhayi aane lagegi..nind aayegi..2 minute mey so jayenge…shabdo mey adbhut shakti hai…shabdo ka khel kar ke hi to neta log mantri banate.. J …CM banate…mehanat thode hi karate ? .. J  …to ye shabdo ke chamatkar hai..lekin ye shabdo ke prabhav se , bhashan kar ke kuchh pate to usame apani yukti aur prarabdh ka sahara lete…mantr mey bhagavan ka sahara lete…mantr bolate to bhagavan ka ashray lete.. bhagavan ke naam  se bhagavat satta se jud jate to sare bharatwasi ek taraf aur aap ek taraf hai to bhi jeet jate..bilkul pakki baat hai…. J ….  Mai jhuth bolu to aap mare… J …ye mohabbat ki kasam hai…mai jhuth bolu to aap mare aur mai bhi aap ke sath maru.. J ..tum ne suna aisa bhashan kabhi? Tum maro aisa bolane ki takad sirf nirdosh prem mey hoti hai… J …mohabbat jor pakadati to shararat ka roop dharan karati hai…hamane us pyare se bhi shararat ki narmada kinare sab kuchh phek ke baith gaye..3 baar aise kiye phir bhi us pyare ka pyar badhata hi gaya

Hamare mohabbat ka kuchh aur hi andaj hai..

Hame usapar naaj hai to use bhi hampar naaj hai…  J  

Bhagavan ko apana manane se priti hogi…jute ko apana manate to kutte se jute ko bachate ho…meri aap ko hath jodkar prarthana hai ki jo sachmuch mey tumhara hai usi ko apana mano….chinta hamari nahi thi..shok hamara nahi tha…dukh hamare nahi the..kewal parameshwar hamara tha..hai aur rahega… parameshwar ko apana manate, priti purvak use apana manate to parameshwar aap ki budhdi mey yog dete..gita mey shrikrushn kahete hai…

Bhajatam priti purvakam , dadaami budhdi yogam tam … 

Bhagavan ko apana manate to apanatv mey priti apane aap hoti hai….jisako apana mana tha aajtak unhone vidayi le li hogi lekin bhagavan ne aaj tak kisi se vidayi li nahi….vastav mey wohi param mitr hai…tumhara param hiteshi hai sakha hai..suhurd hai…

Suhurdam sarv bhutanaam….

Bhagavan kahate hai ki ..Aise jo mujhe apana suhurd janata hai param shanti ko prapt hota hai…..sansar ka kitana bhi gyan le lo , lekin us gyan se aap ka dukh nahi mitega…duniya ke sare akhbar ki malkiyat ek vyaktiko mil jaye to bhi mere pas jo maal hai wo lena padega dukh mitane ke liye.. J …aap sabhi ko duniya ki jo bhi khushiya chahiye mil jaye, jitani bhi kursiya aap ke adhin kar lo…duniya ke sare computers sare research aap ke hath mey ho to bhi aap ka dukh mitega nahi aur sukh tikega nahi … J …aur agar gita mey krushn ne kahi baat man lete ho to aap ka dukh tikega nahi aur sukh mitega nahi…Aaj gita jayanti hai … sabhi grantho ki apani apani jagah manyata hai lekin Gita hi aisa ek granth hai jisako vishw mey mana jata hai…jisaki jayanti manayi jati hai….gita jayanti ki sabhi ko badhayi ho… 

Ab sandhya ka samay ho raha hai kamar sidhi ..gardan sidhi….isprakar baithe aur pranayam jap dhyan kare to kitane bachche aage badh rahe..koyi 90% to koyi 99 % marks late hai…ajay mishra nokiya ka product manager ban gaya,  adhayi lakh kamata hai aur kshitij soni go air mey engineer ban gaya dedh lakh kamata hai lekin ye sab to bahot chhoti baate hai…bhagavan to tumase baate kar sakata hai..tumhara mitr ban ssakata hai….tumhara sakha ban sakata hai.. premi ban sakata hai ..tum se vartalap kar sakata hai ..bilkul pakki baat hai….Satsang sunate to bhagavan ke baap bhi ban sakate.. J …. Dasharath ne vashishth maharaj ka satsang suna to bhagvana ke baap bane ki nahi ?..  J …. Aap bhagavan ke guru bhi ban sakate hai…sandipani krushn bhagavan ke guru bane..sandipani jab padhate to sadharan the…lekin guru bhakti thi…kisi ki budhdi ki tivrata ka itana mahatv nahi…mahan banane ke liye tivr budhdi ki itani kimat nahi jitani bhagavan mey budhdi lagane ki kimat hai…!! ishwar ki satta sab ko nach nacha sakati hai…laden abhi tak hath mey nahi aaya bhagavan pharar bande ki suraksha kar rahe… J ….patana jail mey maine satsang kiya to tachin gire to aawaj aaye aisi shanti se satsang sune ..koyi bola maine 17 mardar kiye..koyi aise paap kiye..laloo bole ki ek baar aap jail mey darshan de do ham bahar aayenge to charan chhuyenge……ham ne kaha hamare charan chhune ki jarurat nahi hai..mauj karo…rabadi rimot control se rajya karati chinta kahe karat ho bhaiya…to laloo pey itani musibat aayi thi ab rahi kya? Musibat sada nahi rahati..jo sada raheta uska gyan paa lo….

Tumhare dukho ka ant hai

Tumhare shok ka ant hai

Tumahri chinta ka ant hai

Tumhare agyan ka ant hai

..Kar do ishwar se doori ka antTo ban jaoge sant !! 

Mai bolata hun aap bhi bolana… 

Sada diwali sant ki aatho prahar aanand l

Akalmata kayo upaja gine indr ko rank .. ll

Tin tuk kapin ki bhaji bina lun l

Tulasi hruday raghubir base to indr bapuda kun ?

Dile tasbire hai yaar , jab bhi najare jhuka li mulakat kar li..

Wo the naa mujhase door na mai unase tha door tha

Aata naa tha najar to najar ka kasoor tha….

 Najare kinare kar do bas…. J ….Sansar mey aap bhi rahate hai wo bhi raheta hai…prabhu hamare ham prabhu ke…jo hua achha hua…jo ho raha hai achha ho raha hai , jo hoga wo bhi achha hi hoga..kyo ki sab ishwar ka mangalmayi vidhan hai…(sadgurudev sagarbha pranayam karavaye..) sagrabha pranyam se sadharan pranayam ke 100 guna jyada phal milata hai….kanth mey munh band karake omkar ka gunjan karane se manobal , budhdibal , kshama bal ye sare kendr vikasit honge….sirf 2 baar karana hai….bachcho ke galat nirany lene ki sankhya kam hogi aur achche nirany lene mey saksham hote hai….sarswaty mantr dete to vidya kendr ko vikasit karane ke prayog karate….dusaro bhakto ko unake isht ka mantr dete….

vaidik mantr mey adbhut shakti hai…ye vaidik mantr kisi devi devata ne banaye nahi hai….bhagvaan narayan ne bhi nahi banaye..jab wo param samadhi mey lin the to unhone omkar mantr ko paya..isliye bhagavan narayan ko omkar mantr ke rushi kaha jata hai…gayatri mantr ko rushi vishwamitr ne khoja hai isliye gayatri mantr ke rushi vishwamitr hai..ye vaidik mantr jin rushiyone khoje hai unake naam liye jate hai…wo unake racheyita nahi hai…mantr ke rushi us mantr ke drushta hai , karta nahi hai…..

sanatan hindu dharm kisi vyakti ka ya kisi devata ka banaya hua nahi hai…sabhi mey sadbhav ye sanatan dharm ki vishalata udarata hai..har dharm kisi na kisi vyakti ke dwara sanchalit kiye gaye hai…lekin sanatan hindu dharm krushn bhagavan ne nahi banaya , Ram bhagavan ne nahi banaya….sanatan hindu dharm unake janm se pahale bhi tha..isiliye vaidik mantro se aahutiya dekar yagy mey se khir ka katora aaya aur wo khir khakar ram bhagavan ka janm hua….to unake janm ke purv bhi vaidik  sidhdiya thi….

shrikrushn 16 baar avtar liye hai, ram ji 12 vakhat aaye gaye hai…4 lakh 32 hajar varsh ka kaliyug hai..12 lakh 96 hajar ka treta yug hota hai…4 lakh 32 hajar varsh ki ek chaturyugi banati hai..aise 71 chaturvedi ka ek manvantar hota hai…4 abj 320 karod varsh bitate tabhi ek kalp hota hai….ek kalp bramhaji ka ek din hota hai…aise ek bramhaji ki aayu 100 saal ki hoti hai…abhi ye is kalp ki 28 vi chaturvedi chal rahi hai….kaliyug ka pratham charan chal raha hai….(bramhaji ke 51 ve varsh ka pahala din jo ki ek kalp ka hota hai wo abhi chal raha hai..)tab se ye sanatan dharm hai..(abhi jo kalp chal raha hai wo bhi 1,972 abj varsh pahale shuru hua tha…) tab se ye rushi muniyoka sampraday chal raha hai….jaise suraj , chandr, pruthvi sanatan hai..pruthvi pe kayi chije aati nasht ho jati lekin pruthvi waise hi rahati aise aap ki aatma ki kabhi mrutyu nahi huyi…..na hi ho sakati hai….sharir badale , chole badale…kitane hi sharir mar mite….lekin aap ka aapa wohi ka wohi hai….

Mamayi vanshe jiv loka..sarv bhuta sanatan ll

Bhagavn kahate hai panch mahabhoot mujh chaityany ke prabhav se bane hai…jo shashwat hai..mujh shashwat ke tum ansh ho….tumhari kabhi mrutyu nahi hoti….jab shashwat ka sahara lete to dukh tikate nahi..chinta tikati nahi, pareshani tikati nahi ..is prakar ka apana itihaas hai….ye jivatma to is sansar mey 80 -90 saal rahega…usake pahale apana kam banao..muktatma ho jao…. Mahan aatma ho jao….jay ram ji bolana padega…(jay Ram ji J )

Narayan Narayan Narayan Narayan..bolo na kanjusi mat karo….lala laliya deviya… 

(babulal gaud mantri ji aaye aur badi namatra se satsang sun rahe hai….) aise saral logo ko dekhakar hruday khil jata hai…. Jisake jeevan mey satsang nahi hai wo shok rahit, dukh rahit, moh rahit, bhay rahit, krodh rahit aur chinta rahit nahi ho sakata…. sanatan swaroop ka gyan hoga to shok, dukh, bhay , chinta , moh, krodh door rahega…..aatmveta sant ke sang se jivatma shok se tar jata hai , ye gita ka gyan hai…bhay chinta dukh shok  mitakar param sukh ko pane ka sandesh gita se milata hai….aaj gita jayanti hai..sabhi ko gita jayantiki badhayi ho….sabhi gita ka shlok bolenge :- 

Gita ya shlok pathen govind smruti ketanam

sadhoo darshanam tirth kotim phalam labhet… 

Sadhu purush ka darshan karane aur gita ka shlok bolane se koti tirtho ka phal milta hai….to yaha sadhu purush kaun hai? J ..mere hi darshan kar lo…. J …ek baar ramkrushn apane hi chitr ko pranam kar rahe the…..to dekhanewale logo ne kaha maharaj pure pagal ho gaye…ye kya kar rahe maharaj aap apane hi chitr ko pranam kar rahe…to ramkrushn bole..ye mera chitr nahi..ramkrushn to tumhara hai…aise mujh mey jab “wo”  hota hai to aise dam markar bolata hai.. Jbilkul sach baat hai… J  “tum mare” kahata hun to ..tum kay ko mare , tumhari to kabhi mrutyu nahi hoti..tumhara aham mare..tumhara shok mare…tumhara dukh mare….ye mohabbat ki bhasha hai….bhagavan bhi shararat karate hai…maa bhi bachche se shararat karati hai…. “ja mai teri maa nahi hun…mai to chunnu ki maa hun…” J …maa ko bhi maja aata hai…maa jab aisa bolati to usaka munna daudakar gale lagata hai to maa pyar se use gale lagati hai… 

Kitana kasht se kitani pida sahkar maa apane bachche ko janam deti hai..mai to kewal kalpana hi kar sakata hun….ham ne suni hai baat ki prasuti ki pida bahot kashtdayak hoti hai..deviya mataye janati hongi…ek ladaki ko aathava mahina tha, to usake mayake mey prasuti ka aayojan hua…ladaki mayake aayi to maa ko bolati hai , “ maa maa meri sasu boli ko mujhe abhi bachcha hoga… dayi se…bilkul pakki bat hai na maa? To jab bachcha hoga , aur mai soyi rahungi to mere ko jaga dena ha maa..” J ….to maa boli arre pagali..bachcha hoga to tu kya soyegi..pure pariwar ko, aas pados ko jaga degi itana halla machayegi…itani pida hogi…..to tatpary itani pida hoti hogi…aur jab tak bachche ka mukh nahi dekhate tab pida aanand mey badal jati hai….mera laal kar ke sari pida bhul ke apani chhati se laga leti hai…din raat jag ke bachche ko bada karati hai….usane bistar gila kiya to use sukhe mey sulati hai.. halaki kabhi bahot satane par bolati bhi hai ki itana satata hai ja tu mar ja…aur usi samay maan lo koyi aa jaye aur bole ki lao mai tere bachche ka is chhure se gala kat deta hun….tumako bahot satata hai na..to kya maa de degi ?nahi nahi…..bachche ka lalan palan ka jo sukh maa ko milata hai usake liye to maa sab dukhade bhul jati hai…aise hi bhagvan ne hamare laalan paalan ke liye kitani sari musibat utha rakhi hai.. J ..swarg , yam puri , sansar , kitani aaphat mol li hai….kisliye ? ki kewal ye manushy jeevan mey aakar mujhe pana kahe de….  “ bhagavan mai tumhara” itana kahe dete to bhagavan mauj mey aa jate.. J …bhagavan aap ke the..hai aur rahenge….ye mai hath jodkar bolata hun…ki aaj raat ko jab soyenge to bhagavan ko puchho ki “bhagavan mai tumhara hun na?” ek din jarur aawaj aayegi….. “haa tum mere ho…”

(karunysindhu sadgurudev ne sote samay sirhana dakshin ya purab ki aor hi ho is baat ki yaad dilayi..)

..prabhu mai tumhara hun na? jisako bhi aap manate ho..shivaji, ram ji , hanumanji, ambaji, allah…  “tum mere sath ho na prabhu aatmroop mey?”  Puchhate raho…..8/10 din ke andar , aap ke andar se jarur aawaj aayegi….to aap ki hajaro mandiro ki yatra ho gayi….!Bhagavan ke naam govind aur gopal bhi hai…govind maane jisaki satta se aankhe dekhati, kan sunate jivha chakhati.. “ go” mane indriya..indriyo ko satta denewala “govind” …. Aur jab indriya thak jati to indriya mann mey lin hoti..mann thak jata to mann budhdi mey lin hota hai aur budhdi thak jati to usi parameshwar ke adhin hokar ham so jate aur vishranti pate..aise indriyo ke laalan paalan karanewala “gopal” hai.. 

Govind bolo hari gopal bolo

Radha raman hari  govind bolo… 

Radha maane kya? Radha ko ulata karo to “dhara” jo sadaiv tumhare vruttiyo ki dhara mey raman karata hai ….tumhara hath tum se door hai, tumhari aankh tum se door hai,tumhara mann tumase door hai….lekin wo parmatma tum se itana bhi door nahi….. 

So sahib sada hajure…

andha janat tako doore… 

Aisa sanatan gyan aap ke shok bhay chinta ko mitane ki takad rakhata hai…. jeevan mey degree, bangala ,gadi, nokar , chakar car liye to samjhdari hai aisa nahi samjhana..vastav mey tum kya ho ye samjhana jaruri hai…aur wo janane ke liye budhdi ki saralata chahiye..padhayi likhayi nahi……prabhu se priti chahiye…satsang se jo labh milata hai wo duniya ke kisi degree se nahi hota hai…kisi ne bola ki phalane phalane desh mey sarvshreth vidvan ka pramanpatr mila hai ,  aur asharam bapu ka chela hai  to  asharam bapu ke pas kya degree hai? tisari pass ki degree hai…ek balak surdas tha ..bhik mangkar railway mey daphali bajakar pet bharata tha…prabhu priti ka ashray liya to sant pritam das ban gaye …urope ka romarola trust unaki hastlikhit ko le gaye hai..anuwad  karenge..aise bhagavan sanatan tatv bhar dete hai…bhagavan apani taraf se kar dete to tar jate hai…bhagavan ke ashray ke bina kam, krodh , moh mey rahate …lekin bhagavan kangale ko bhi deta to apane pari se deta…. 

Sant wo hai jisake agyan ka ant ho gaya…Diksha wo hai jo janmjanmanatr ki chhupi shaktiya ka dwar khol deti hai….

(sadgurudev ne ke katha batayi ki kashi ke ek vidvan ke ghar bhiksha mangane aaye huye surdas sadhu ke mukh se 22hajar shlok nikale..jise pandito se likhavaya gaya..aur anuwad kiya gaya jo aaj bhi thiosophical society mey maujud hai…..)

..kaise kaise aschary bhare hai….39 saal pahale mere sadgurudev railway se jaa rahe the..tab mai gurudev ke shri charano mey tha…to ek aadami ne times of india padhakar sunaya ki ek saal ke andar chandr pe hotel khulegi……tab gurudev bole ki rakh de akhbar..aisa kuchh nahi hoga…chandr lok kaha hai..waha sirf yogi jaa sakate hai..ye to chandr mandal mey pahunche hai…waha koyi hotel nahi banegi….to ek sal mey khulane wali hotel abhi tak nahi khuli…J ..  … to sarswatya mantr se bachche jo chamtkar dikha rahe usase aschary mat hone dena..( sadgurdev tanshu, ajay sharam aur kshitij soni inka udaharan dekar bol rahe..) aap ke andar itani shaktiya chhupi hai…vivekanand sahi kahate the ki manushy jati ka bada durbhagy hai ki apani budhdi ka lakhava hissa hi abhi tak vikasit kar paya hai….abhi to vigyan bhi vedo ki baat manata hai ki 2 arab koshikaye vedo mey kaha hai aur vigyani 2 arab nuron kahate hai….ham aagyachakr kahate hai, vigyani piniyal granthi kahate hai…. 

to is aagya chakr ko plastik ki bindiya aur mare huye pashuo ke khun se bane ghol  chipkati hai mataye bahane to aap ke sath bahot dhoka hota hai…kunkoo, tulasi ki mitti ya gaay ke khoor ki mitti, chandan lagaao…..gaay ke khoor ki mitti lagakar aur gurugita ka path kar ke jaye to kaisa bhi kathin se kathin kaam ho jayega…gaay ka dudh ka dudh to milega, bail ka bhi milega…J matlab ki jo file office mey hilati nahi hogi..phataphat clear ho jayegi….Saharanpur ke ek musalman pariwar ne subah diksha li aur 12 saal se jo kaam nahi hua tha wo ho gaya to usi din sham ko gadgad hokar aaye the… 

Aap is duniya mey 2/4 factory, 2/4 dukane, bangale gadi banakar mar jane ke liye nahi aaye ho….param moksh ka anubhav karane ke liye ap ka janm hua hai, ye pakka kar lo..  diksha se aap 84 ke chakkar se chhut jate ho to kisi ke 4 court case chhut gayi to isamey kaun si badi baat hai…..Hari Oooommmmmm (plut uchcharana)Hamare karam aise ho jinase bhagavan mey ruchi ho….isliye satsang jaruri hai… 

Shatamvihay bhaktavyam, sahastren snanam acharet

Laksham vihay datravyam,  koti tvatvat harim bhajet…. 

Koti kaam chhodkar bhi hari ka naam lena chahiye…Kanyadan, ann-dan, go-daan, go-ras daan, vidya daan, suwarn daan, bhumi daan in sab daano ka mahatv apani apani jagah hai….lekin  satsang daan ki barabari koyi nahi kar sakata  …satsang khud karana to achha hai , lekin dusaro ko bhi satsng mey le aana , satsang karana –karaana aur dusaro tak pahunchana bahot unchchi sewa hai…satsang se ahankar  galane lagata hai , chinta kam hoti hai..…..ghar mey jhagade hote honge to ek lota pani ghar ka mukhiya raat ko sote samay apane palang ke niche rakhe aur subah us jal mey dekhate huye om namo narayan bolkar wo jal ghar mey chhato, pipal ko sinch do…guru gita ka path kar lo ..to jhuthe case honge , ghar pey koyi tona tutaka hoga to nikal jayega…Sant bolate to satsang hota hai…sant apane andar gota markar jo bolate use sunane se puny hota hai…sant swaroop ka mahatv hai…isliye…ek ghadi aadhi ghadi , adhi mey puni aadh l

Tulasi sangat sadhu ki hare koti apradh ll

Sukh deve dukh ko hare, kare paap ka ant l

Kahe kabir we kab mile , param sanehi sant ll

Sant mile yah sab mite kal, jaal , jam chot l

Shish namavat dhahi pade sab paapan ki pot ll

Ramramanna bhetiya, kahet kabira roye ..l

Kya karu tumhare vaikunth ko jaha sadhu sangat nahi hoye…ll

Satsang mey itana paap mitata hai , phal ki lalach chhodkar manushy paramatm pad ko paa leta hai …swarg jate to apsara deta lekin badale mey puny nash hota….lekin satsang to paramatma deta…kohinoor chhodkar kanch ka tukada kaun lega…(Madhur madhur naam sankirtan ho raha hai…sadgurudev hasy karavaye..) aise hasy karane se phisical phayade mey rakt ke kan badhate hai.. rog pratikarak ras banata hai….lekin hamari najar to mann mey , budhdi mey adhyatmik kitane phayade hote hai uspar hai…use tolanewala tarajoo abhi bramhaji bhi nahi banaye..aur banaye to bhi wo tarajoo tut jayega itana phayada hota hai… !!!! 

Narayan narayan narayan narayan…  
Om shanti… 
Hari Om!Sadgurdev ki jay ho!!!!!
(galatiyo ke liye prabhuji kshama kare…)     

Source : - http://latestsatsang.wordpress.com/2007/12/22/gita-jayantibhopal-satsang_live20-21-dec-07/

Previous Article Sharad Poonam Darshan - 2006 Ahmedabad Ashram
Print
1318 Rate this article:
5.0

Please login or register to post comments.

Name:
Email:
Subject:
Message:
x