Visit Author's Profile: Rupesh Saigal

Chetichand Shivir 29th March 2006 se 2nd April 2006 Ahmedabad Ashram

Chetichand Shivir   29th March 2006 se 2nd April 2006 Ahmedabad Ashram

Is shivir k har ek satra mein BapuJi ne itnaa itnaa krupaa prasad lutaayaa ki uskaa varnan bhalaa kaun kar saktaa hain. Har satra mein aisee aisee saraltam yuktiyaan GuruDev barsaate, ki bas tik gaye to Ishwar Praapti – Aisaa anubhav karaate ki Ishwar Saakshaatkaar itnaa saral hain, apne swanubhav ko hamare liye lutaa rahe the, itnaa swabhavik (kshama karen shabdon mein varnan nahin kar paa rahaa hoon, varnan karnaa chaahataa hoon, par shabd nahin aa rahe hain ki kaise, kya likhoon). GuruDev k tathaa BaapJi (Sureshanand Ji) k satsang kaa jo bhi yahaan likh rahaa hoon,  vaha sab jaise mujhe samajh mein aayaa, jo note kar sakaa/yaad hain - shabd as it is same repeat na bhi ho - likhne kaa prayaas hain.



29th March 2006 ko jaise hee Ahmedabad station par pahunchaa, vahan par Ashram ke auto available thi. Usmein baithkar Ashram– jahaan par Shivir registration ka office hain – pahunche. Kuch hee minutes k baad, kuch sadhak/sadhikaaon ne pukaaraa - BAPUJI aaye - palat kar dekhaa to GuruDev kee car vahaan se Ashram ke taraf gayee. GuruDev k direct darshan to nahin hue, par car k jismein GuruDev gaye, darshan ho gaye. Thode hee samay k baad loud speaker se GuruDev kaa satsang sunne ko milaa. (GuruDev kee krupaa dekho ki aate hee turant Satsang dene k liye Pandal mein chale gaye); GuruDev ne kahaa abhee Grahan kaa samay hain. Is samay mal mootra ka tyaag nahin karne se ……….. (yaad nahin hain jo GuruDev ne us samay kahaa thaa) hani hoti hain.

Snaan karke Pandal mein gaye(Sabhee jagah GuruDev kee Amrutvani speakers se sunaaee de rahi thee). Pandal full. GuruDev ne Om kaar ka jap dhyaan karvayaa. GuruDev ne grahan k samay jap karke labh lene ko kahaa.  BapuJi ne batayaa ki HAM Godhraa se Ahmedabad aa rahe the. Driver se kahaa ki Grahan k samay se aphle Ahmedabad Ashram pahunchana hain. 2:05 PM ko nikale, 140 Km. Kuch door aane ka baad do raaste the, driver ne kahaa aur doosre logon ne kahaa thaa ki falaanaa rastaa Sahee hain, aur doosraa rastaa Galat hain, road theek nahin hain. Par jis raaste ko driver aadi ne Theek nahin hain aisaa kahaa , BapuJi ne kahaa ki vaha raastaa Sahee hain. Kuch din pahle Indore k log aadi vahan se aaye the, road theek nahin thee. Par GuruDev ne driver ko usee road se chalane ko kahaa aur vahee raastaa SAHEE nikalaa aur 3:35PM tak GuruDev Ashram aa pahunche. Nahin to doosre raste se (jisse sabhe ne Sahi kahaa tha itne kam samay main pahunchana sambhav nahin thaa). Raastaa jab kharaab thaa tab kharaab thaa par Andar kee jo awaaj aaye GuruDev ne vahee raaste se chalane ko kahaa, aur vah raastaa SAHEE nikalaa. Jise sab sahee kaha rahe the vaha Galat thaa.

GuruDev ne kahaa ki NITYA ko NITYA jaano aur Anitya ko Anitya jaano. Bas itnaa hee karnaa hain. Jet airways waalon ne teen bar checking kee. Third time checking karne par Sureshanandji naraaj ho gaye. Sadhakon ko pataa chalaa, unhone dharnaa kiya fir Jet Airways k logon ne kshama maangi. GuruDev ne kahaa ki Maan apmaan Shareer ka, MERAA kyaa. Kabhe hamen Satsang k liye jaanaa ho aur unhee ki flight lenee pade to ? Hamne unhe maaf kar diyaa. (Ye kaisee udaartaa aur karunaa hain GuruDev kee; Triloki jiskee sewaa kaa avasar nahin chodte; “Ridhi Sidhi Uskee Daasee, Saaraa hee Brahmaand Pasaara , Chale Uskeee Ichaanusaara, Yadi Vaha Sankalp Chalaaye, Murdaa Bhi Jeevit Ho Jaaye” aise mera GuruDev ne kahaa Kabhe hamen Satsang k liye jaanaa ho aur unhee ki flight lenee pade to ……………… Kaisee leelaa hain GuruDev kee, aise shabd………..



Main Nitya hoon, yaha sab anitya hain. Roj subah, dophar, shaam – 1 ghantaa OM kaa jap karo.

Raag-dwesh mein jitnaa shakti kaa naash hotaa hain, agar SAM rahe to kahaan-se-kahan pahunch jaaye.

Aap SAM(Samta/Satt) mein raho, shatru apne aap haar jaayegaa. Appki jeet hogee.

Aap Ishwar mein raho, logon se kushti mein apnaa samay kyon bigaado.



Gyaani k ham Guru hain, moorakh k ham daas. Usne uthaaya danda, to hamne jode haath.



Aap Ishwar mein (Nitya vastu mein), tik jaao, anitya apne aap theek ho jaayegaa.



Anitya shareer hain, Anitya parishtitiyaan logon kee sewaa/bhalaaee mein lagaa do.

Aap nitya atmaa mein raho. Apne ko apne aatmaa mein vishraanti dilaaoo.

Nitya hain Parmatma, anitya hain sansaar.



Guru k dwaar par kinkar kee naaee raho, na jaane kab samudra kaa lahar aa jaaye.





30th March 2006:

BaapJi ne kahaa Bhakti aanuvik shakti hain. (Jaise bhautik jagat mein atom ki shakti – vaise hee Adhyatmik jagat mein Bhakti kee shakti se ham sab kuch paa sakte hain).

Bhakti kaa deep jalaa aur paap gaye. Paap kee jad dehadhyaas hain. Pachane kee shakti aur uskee oordhvikaran kee kalaa aa jaaye to jitnaa bhi bhojan karte hain uskaa theek laabh miltaa hain.

Sewaa ek badee sadhanaa hain.

Choti-choti baat kaa Dhyan RAKHENGE to Dhyan LAGEGAA.

Dhyan karne k liye Dhyan rakhnaa hogaa.



Ham UNSE(BapuJi se) aur VE(BapuJi) hamse dur nahin hain. – Yaha ham pakaa kar len. Na maanne kee aur na jaanne kee duree, vaha sachee duree nahin hain. Prem bhakti to a-chah kee dharti par janm letee hain, pushta hotee hain.



(Guru se ) adhikar rahit aatmaniyataa aur aagrhaha rahit sewaa ………..

Karne mein saavdhaan , hone main prasann – Priti/bhakti/shraddhaa drud hotee hain, sadaiv surakshit rahegee.



Sukh kaa phool nahin khojenge to dukh kaa kaanta nahin chubegaa.



Hernia kee bimaare- aanten kamjor hone se hoti hain. Bread-butter, biscuit khaane se hotee hain.





(BapuJi kaa satsang note nahin kiyaa bas suntaa hee raha)

Aaj nashte mein BapuJi k kutiyaa k aavale k juice diyaa gayaa.

BapuJi ne satsang k baad kahaa ki naaste k liye jaao aavle kaa juice intezaar kar rahaa hai.



Sandhya karane k baad, Baapji k satsang se:

Bhog mein sukh nahin pareshaanee hain. Jwar-grast /tanav-grast  sthti kaa naam hain bhog.

Andheri to mayaanagaree9Mumbai) mein hain, Ahmedabad mein nahin.



Prarthanaa karen to gid-gidaaye nahin, pyar se , bhaav se karen. Shabd bolte-bolte shaant ho jaaoo; Ni-shabd kee pukar gahree pukaar hain.

Har rajya  kee apnee-apnee bhaashaa hotee hain. Prem rajya kee bolee – Ni-shabd – gahraaee aatee hain.; shabadon mein kalpanaa hotee hain.



Bhojan k baad k satsang se:

Sadguru brahm swaroop hain, manush bhaav mat jaan

Deh –bhaav maane dayaa(aisaa hee kuch shabd thaa), te hain pashu samaan.



Manasaa vaachaa karee dayaa, Guru charanon chitt laaoo

Jag samudra k taran ko, nahin aur upaay.



Anitya k liye naaraj kyon hote ho?



Jo Guru k charanon mein nam jaata hain, vaha bhaaree hotaa hain.

Guru k aadesh(Jap, maun , dhyaan, sadhanaa karen) kaa paalan karne se shisya ko oonchaaee praapt hotee hain.



Aankh band karte nahin, bhitar jhaankte nahin, to kaam kaise banega.



GuruDev ne jo kahaa  sweekar kar lenaa, maan lenaa.



Shri Krishna kaa vachan Ironical hain- Koee virale hote hain jo is oor chal paate hain.



( Log shareer ko theek rahkne k liye kyaa kyaa karte hain- is par bataate hue) Bapji ne kahaa : Bhajan bade to vajan apne aap ghat jaataa hain.



Bhitar taral the , baahar kathoraa ----



That which cannot be said, that is said.

Bataa nahin sakta par bhi batate hain.



Nishthaa – Guiru jo kahte hain vaisaa karnaa.



Ved = vyakt gyaan, shabdon se satya

Shabd seemit hain, Ved aseem hain.



Ungalee to Somewhere bataa saktee hain, par jo EVERYWHERE hain, use ungalee nahin bataa saktee.



Phone se bachanaa chaaeeye, aur maun rahanaa chaaeeye; Par phone sath rakhte hain, maun nahin rahate.



BapuJi aaye –

“Jhulelaal k avtaar ko manaayenge”

Bahut bahut aanand barsaaya GuruDev ne. Sindhi mein bhajan bhi kiyaa BapuJi ne.



Ham hain apne aap, saare paristhithiyon k baap.





BSK k bachhon ne Sai KavarRam, Sai TeuRam ka abhinaay va Bhajan kiyaa.



Pauna solah hazaar BSK chal rahe rahen



1 Kg bhojan, 2Kg paani, 12 Kg havaa peete hain. – Havaa shudh honee chaaeeye.



Maadhav maane – dhartee main madhu bharne waalaa.

Jal aur agnee kaa pujan- Jal kee naaee sheetal, agnee kee naaee Tejasvee rahanaa



Guru deekshaa se 18 prakaar k fayade hote hain.



Shaam/ratre ka satsan main GuruDev ne kahaa

Aadar tathaa anadar , vachan bhale tyon bhale

Nindaa stuti jagat kee, dhar joote k tale.



Aadar, nindaa jad main hotee hain.

Haridwaar, ujaain, indore hyderabad k log satsang maang rahe hain-

Ab andar milo





Doosre Ashram k alaavaa, ab, Ahmedabad Ashram mein bhi 5th se 7th class k vidhyaarthiyon k liye school is varsh June 2006 se start ho rahaa hain. Yahan Latest Technology k saath GuruKul padhatee se shikshaa dee jaayegee.



31st March 2006:

BaapJi ne kaha :

Jitne oorjaa ham baat karne mein nasth kar dete hain, bache to Dhyan lag jaayegaa;

Unke(Sadguru) k shabd, Ni:Shabd ko chookar aate hain.



Asat(nashwar) k prati mahatva budhi sabse badaa paap hain.



Teen  Dosh:

  1. Guru kee BHAKTI se MAL dosh mit jataa hain

  2. Guru k bataaye SADHANA se VIKSHEP dosh mit jaataa hain.

  3. Guru k GYAAN se AAVARAN dosh mit jaataa hain.



Vaasna :

Aankh mein nahin, antah:karan mein hain.

Jo nahin hain uskee maang, uskaa akarshan

Kshtij chootee huee aakaash k samaan hain, kabhee ant hogee nahin.



Jo hain uske prati mahatva budhee nahin hain.



Bhakti : Jo hain uskee preeti.

Dhyan : Ek aayaami(one directional) hotaa hain.



BapuJi ne ek baar kaha tha:  Utpann honewaale sukh mein jiskee aasakti nahin hotee, uskee An-Utpann mein sthiti ho jaatee hain.



Apne Guru mein mahatva buddhi hogee to anya mein aakarshan nahin hogaa.



(Shisya k ) Sabse nazdeek to Guru hain.



Sadhu: Jo aseem kee khoj mein lagaa hain, vaha sa-seem kyon hogaa?



AstavakraJi ne kaha : Jab tak sab suvidhaaon kaa tyaag nahin hotaa tab tak shaanti nahin.



Meri jaankaaree mein VO nahin hain, par UNKEE(SadGuru kee) jaankaari/nazar mein main hoon. --- Yaha hamen yaad rakhna chaaeeye

Ham par Sadguru kee nazar hain to hamaaraa anisth kaun kar sakta hain? Hamara chitt unmein rahanaa chaaeeye. Ham apne ishta kee, Guru kee drushti mein hain.



Guru ek aisaa saagar hain, jo paar kar detaa hain, dubaataa nahin.



10 dishaayen (East, West, North, South, N-E, S-W, S-E, N-W, above, below) hain – drushya kee oor

11vee disha – antardrushtee - drushtaa kee oor.





Aaj GuruDev madhyanah Sandhyaa k baad aaye aur kahaa kee Main itnee der se aayaa. Aap samajhte ho kee main vyast thaa ……………. Koee kam nahin tha aur pal bhar kee bhi fursat nahin thee. Ham APNE AAP mein the. APNE AAP mein jo mazaa hai ……………………..

Fir bhi sanchaalak ko kahaa ki naashte mein tamate k juice k saathj Dhaani bhi denaa

(GuruDev apne atmaamasti k beech bhi Ham sabhee kaa kitnaa khayal rakhte hain - pratyaksh udaharan hain yahaan, us Param sthiti mein bhi naashte mein hamen dhaani bhi mile – iskaa khayaal rakhte hain; aur fir aisee oonchee sthiti se uthkar hamaare liye hamaare paas aakar itnaa lutate hain ki iska bayaan karnaa asambhav hain – Bas thoda saa anubhav mein hee aataa hain, poora agar hazam ho jaaye to fir  ………………………………………………………………..)



BapuJi bahut der tak khade hokar hee ham sabhee par lutaate rahe.

BapuJi ne  kahaa:

Nanak Satguru Bhentiya

hasandiyaa, khelandiyaa, khaavandiyaa, pahanandiyaa, 

vichh hove mukti.

Gurudev hamen haste, khelte, khan–paan k saath mukti pradaan karte hain.(Arth jaisaa mujhe yaad hain likha hoon)



Jet airlines waalon k Rs 150 crore doob gaye ek saath, doosree company khareed raha tha.(GuruDev k saath galat vyavahaar karne kaa yaha to bahut chotaa saa namuna hain unke liye)



Apnee chetana ko  gati na karne denaa; keval unhee kaa aashray/dhyaan, to unkee shakti hamaare kaam degee.

Apalak Guru moortee ko dekhnaa - Ek tak dekhne ke vidhee, kisee vastu se sambandhit nahin hain.

Mann sangarsh kartaa, par chode nahin to mann gati nahin kartaa, ruk jaayegaa.



Hamaare aankh hee nahin, mann bhi aankhon k jareeye Guru moortee par kendrit karnaa. Tab unkee chetanaa hamen jaagrut kartee hain.

Shaant, sthir hokar ek tak dekhnaa – Is prayog mein ham anupasthit nahin honaa. Khud kee upasthiti honee chaaheeye. Aankh aur mann kee sthirtaa ho.

Doosree kathinaaee- Aatmasammohan kee sthiti – aankhen bhaaree hogee, neend aati hain.

Is prayog mein neend nahin aane k liye - GuruJi se sunaa hain – Krodh mein ho oorjaa nasth hogee, vaha bachegee, to vaha is mein lagengee



Daadu deen dayal Ji k shisya RajjabJi ne kaha hain: Guru shabdan ko grahan karen, Vishayan ko de peeth.



Gurudev kaa vaanee-bindu, hamara janm-maran ko mitaa saktaa hain.



( Pet mein Jatharaagnee bhojan pachatee hain)

Agan na ho to bhojan nahin pachataa,

Lagan na ho to, Sadguru kaa satsang nahin pachataa.





Ahmedabad k Ashram mein Dhyan Yog Shivir nahin chooknaa chaaeeye.



Aaj k akhree satra mein Bapuji Sabhee k beech mein, paas aake darshan diye. Sabarmati k tat par vishaal pandal, door-door tak jaake GuruDev ne paas se sabhee ko darshan diye; Narayan SwamiJi bhajan gaa rahe the us samay.





1st April 2006:

Baapji ne kaha:

Darshan drustee par nirbhar hain.

Sanjay ki – moh k kaaran divya drushtee chalee gayee

Arjun ki – Bhay k kaaran divya drushtee chalee gayee.



Ek sarvekshan se pataa chala hain kee logon ne mobile phone ko Pager(miss call) banaa diyaa hain; Incoming free;

Paise bachaane kee koshish karte hain, par oorjaa bachane kee koshis nahin karte





BapuJi 8:55 AM aaaye, kareeb 10 minute tak maun hee baithe rahe; nigaahon se barsaate hee rahen.

Fir GuruDev ne kahaa:

Peedot bhavati siddhayaa.

Paidaa hotaa hain shareer, aap paidaa nahin hote

Aap Eeshwar kee god mein jaakar giro, apnee taraf se prayaaas karo , TERI MARZI POORAN HO.

Eeshwar param suhrud hain, hamaree bhalaaee k sivaay kyaa kar sakte hain – Suhradam sarvabhootaanaam

Main jaisa taisaa hoon, Tera hoon Maharaj



Meri ho so jal jaaye, Teri ho so raha jaaye

Meraa kya hain : Ahankaar, Vasana ..............

Teraa kya hain : Sat-Chit-Aanand



Andar se mamtaa nikaalkar sambhalo.



BapuJi ne kahaa 1,20,000 vidhyaartiyon kee taalim shiviren hoogee, 127 jagah, 313 shivir hogee.(Summer holidays k samay)







12:00 k sandhya k baad k satsang mein BaapJi ne kaha:

Jisko Dharam, Karam karnaa ho, unhe chaaeeye ki Kan ko vyarth naa jaane de

Jisko Dhyan, Bhajan karnaa ho, unhe chaaeeye ki Kshn ko vyarth naa jaane de.

Jinko pyaas hotee hain, unkoo prayaas nahin karnaa padtaaa sadhanaa mein mann lagaane k liye.



Shudra main ko door rakho, to SHUDH  main



Sadguru par shraddhaa nahin karnee padtee, ho jaatee hain.

                                                                  

Jet Airlines waalon ko Rs 150 crores kaa nuksaan huaa; yaha to shuruaat hain, aage aage dekho hotaa hain kyaaa; Jaise doodh lete hain, to oopar se thodaa doodh ataa hain, yaha (Rs. 150 crore) vaha hain, poora doodh milna baakee hain.



Sagar Raja k putron ko (Agastya) Rishi k apmaan k kaaran shrap milaa unse.



12:50 – 1:00 PM kee tapti hue dhoop, BaapJi ne poochaa Garmi ho rahee hain? (Yaha shabd poore hee hue the ki)Tabhi aisee Thandi, sheetal havaa (air) aa rahee hain, Garmee door ho gayee. Pavan devta sewaa kar rahe hain. Dhoop to tapti huee hain aakaash mein, par baadal garaj rahe hain; HAVAA BAPUJI K KUTIYAA SE PANDAAL KEE TARAF AA RAHEE HAIN. Yaha To Pratyaksh Anubhav thaa vahaan upasthit laakhon-laakhon sadhakon kaa. Acaahnak, ek kshn bhi nahin lagaa aur aisee sheetal pavan, varnan nahin ho saktaa jo GuruDev kee leelaa, krupaa, rehamat sabhi par huee us samay; bas us anubhav kaa varnan kaise karoon, kar nahin paa rahaa hoon, aur apne ko likhne se rok bhi nahin paa raha hoon. Oopar kadaake kee dhoop aur aisee thandi sheetal pavan, ki garmi gaayab ho gayee. Bhool gaye garmee kya hoti hain.







Bhojan k baad k satra mein BaapJi ne kahaa:

Jap niyam k samay baaya(Left) swar(soorya naade) se swaas chale to acchaa hain.

Sushumnaa mein chaale to BAHUT acchaa hain.



Geeta k 3rd adhyaaya mein – Yagya roopi karm se prasann hokar divya shaktiyaan binaa maange hee aatee hain, aapkee madad karengee;

Par log denewale ko nahin, vastu ko yaad karte hain, DENEWAALE ko nahin bhoolanaa chaaeeye.



Mujhe Phone rakhnaa pasand nahi, MAUN rakhnaa pasand hain.



BapuJi ne kahaa: Shwaashwaas – 50 kee gintee kaa niyam le lo aaj se.

Subah uthkar swabhavik baith jaaoo, shwaas par dhyaan do, subah neend mein se utho, thodee Vishraanti lo, Jeevan mein sukh-dukh aayenge to Samta mein rahanaa.

Sukh-dukh, rag-dwesh mein samtaa rahne se seedhe pahunch jaaooge.

Ekagraataa se bhi adhik SAMTAA. SAMTAA kaa sankalp karna.

Ghar mein jo bhi takleef hain, uskaa sonch lo, uske acchea nirnay aayenge, kam prayas se kam ban jaayenge.



Aaj bhi akhree satra k baad BapuJi sabhee ko nazdeek se aake darshan diye, Narayan SwamiJi bhajan kar rahe the.



2nd April 2006:

Aaj Dikshaa kaa karyakram.

BapuJi ne kaha:

  1. Maasik dharm mein (Mahilaaon ko) binaa OM k, binaa maalaa se 15 minute japnaa chaeeye.

  2. Maalaa pahan kar Latrin mein nahin jaanaa chaaeeye. Agar gaye to Maalaa pahankar snaan kar lenaa chaaeye.

  3. Agar maalaa toot gaye to usee mein doosre dane milaa lena chaaeeye.

  4. Bude log gharwaalon ko bol de, marne k bad maalaa gale mein hee rahanaa chaaeeye. Sadgati, mukti mein madad miltee hain.

  5. Marte samay”OM” jape to mukti. Agra jeevan bhar “OM” tab marte samay “OM” nikalegaa



(BapuJi k) Bageeche k aamvale prasad roop mein denaa hain.



Dikshaa kaaryakram k baad BapuJi ne kahaa: Thoda niyam baaki hain; Suresh maharaj inkoo satsang sunaanaa.

Oopar (k pandaal mein) jaaongaa. Oopar kaa matlab Suresh Maharaj jaante hain(Oopar k pandaal mein). Oopar to abhi nahin jaoongaa, kaeeon ko daane chabaanaa hain, kaeeon ko pahunchaa k jaaongaa. Bharatiya sanskruti kee rakshaa (likh nahion paaya jo GuruDev ne kahaa thaa)

Jo Ashram k school k vidhyaarthi tayaar honge, ve Bharatiya Sanskruti kaa Vishwa bhar mein prachaar karenge.(Exact shabd yaad nahin, aisaa hee kuch GuruDev ne kaha tha)



BaapJi ne kahaa:

Dhyaan moolam GuruMoortee – jo karte hain unhe darnaa nahin chaeeye.

Mann hain samasyaa, Dhyan hain Samadhaan.

Mann mein Samadhaan nahin, Dhyan mein Samasya nahin.



Bhagwaan ShivJi kaa vachan hainGuru ke charan-raj kaa ek kann bhi setubandh kee tarah hotaa hain.



Dwayo Upanishad kaa vachan hain- Guru Guru Guru ucharan karen, usse kalyan hogaa.



GuruMantra mil gayaa maano SAB KUCH MIL GAYAA

Ashirvaad to binaa kaaran hee dete hain BAPU



Shastron mein shabd hote hain, SATYA nahin.

Shastra ka Anubhanaatmak gyaan Guru se hota hain.



Vishwa k kareb 200 deshon mein se keval 10-11 desh hee cricket ko mahatva dete hain. Dukh ke baat hain ki unmeinse Bharat bhi ek hain.



Gita k 6th Adhyaya – 17 shlok mein, 17th Adhyaaya – 8,9,10 shlokon mein khan-pan vishayak shuddhi ka varnan hain.



Tu aayaa bahut Busy, to Bhagawaan kyon honge tere liye Easy.

Sansaar mein log pravasi hain, par samajhte hain Nivaasee hain.





GuruDev ne kahaa, Main Parmatmaa kaa, Parmaatmaa mere. Bas baith jaao parmatma mein.

Badlaa zamanaa, tum bhi badlo, dheemee chal ko chodo



12:00 baje k baad, phool aur Tulsi todne se daridrataa aatee hain. Nahin todne chaaeeye.



Mann kee hal-chal kam karne k liye:

  1. Dono haath milaakar gardan k peeche rakho. Left, right ghomaaoo.

  2. Haath k panje milaakar gardan par rakhnaa, niche jhukaana, haath kee kohaneeyaan zameen par rahe.

  3. 2 minute – Mathha tek kaaryakram karnaa

  4. OM kaa ucharan karnaa, fir shaant ho jaana



Aaj bhi aakhree satra k baad BapuJi sabhee ko nazdeek se aake darshan diye, SureshanandJi bhajan kar rahe the.



Likhne mein jo bhi galtiyan huee hain uske liye, GuruDev se kshamaa chaahataa hoon.

Om Tam Namami Gurum Param

Om Tam Namami Gurum Param

Om Tam Namami Gurum Param



HARI OM



Previous Article Divine Answers from a Benign Heart
Next Article 66th Avtaran Diwas Satsang (19-04-06) (Panched) :: Badhai to aapko deta hu aur yajurved ke mantra ka aashirwaad main apne liye bhi rakhunga
Print
6770 Rate this article:
5.0

Please login or register to post comments.